Final exam was today..Was surprisingly the most challenging yet...but screw that my summer begins today.

Although I am not on much of a vacation, I don't have school to think about. Soooooo let the partying begin.....

So where are the hot spots for an aging female like me?

Mi really neva tink seh nutten coulda go so! Mi neva was a fan a dem tings cause to me dem was a gran' waste a time. However, fi di past 4 day mi decide fi move een temporary pon Mico Hostel an tek part inna one whirlwind study group. Mi seh whirlwind cause a almost 15 people when deh deh.

A night time when we decide we ready fi study we start roun 8:30pm wid me (the designated chef) a collek donation a food item fi run a big pot. First night was a choice of tin mackerel(dutty gyal) or corn beef wid rice, secon night was stew chicken an macaroni wid rice an di third night was back to dutty gyal an rice. Di food gwaan good an as mi cook di girl dem a discuss a mi listen where mi could an contribute where mi could an mek certain fi pay attention to di bubblin pot!

Share out time come an mi did haffi mek di pat stretch fi evrybaddy get fair share. Mi master di art easy suh til one a di girl dem ask mi a how much people mi normally woulda cook for cause mi really kno how fi do di sharing. Meanwhile we a eat we a beat di books same way til people start drap asleep one one.



Mi nah lie mi not ongle get di most outta di study group but mi enjoy miself inna di meanwhile. Mi never kno seh a set a girl coulda live so good wid each odda so til we coulda form group a study so. All who a cotch pon bed an sleep a grung pon so so mattrass (excep me of course wid mi comfortable bed to miself!) An as mi siddung ya so an sleep a ride mi, mi jus a tink bout how mi miss mi "roomie", mi likkle parrie! Mi a go call har now........:)